【生活態度守護生態】日常選擇環保海鮮，保護海洋長食長有

全球超過九成野生漁業資源正面臨重大危機，資源嘅復原已經追唔上人類捕撈嘅速度。長此落去，大家可以選擇嘅海鮮就會越嚟越少。為咗海洋嘅健康同各種海鮮都可以長食長有，世界自然基金會香港分會（WWF）鼓勵大家選擇環保海鮮。不論係野外捕撈定係養殖嘅海鮮，喺唔損害海洋生態系統嘅前提下，既可以滿足飲食需求，又可以滿足子孫後代，就屬於環保海鮮。 WWF嘅《海鮮選擇指引》就羅列咗超過七十種常見海鮮，分為「綠色—首選」、「黃色—次選」和「紅色—避免」三個類別。大家記得喺買海鮮嘅時候留意包裝上嘅品種、來源同生產方法三個重要資訊，選擇「綠色—首選」同「黃色—次選」兩類嘅環保海鮮。另外，如果大家見到WWF環保海鮮標誌，都可以放心購買。

世界各地對海鮮可持續性越加重視，巿面上出現越嚟越多環保海鮮嘅選擇，價錢亦都非常相宜。另外，海鮮嘅碳排放相比肉類更低，係大家任何場合同節日煮餸嘅好選擇。